მსოფლიოში ჭარბტენიანი ტერიტორიების დაცვის საერთაშორისო დღესთან დაკავშირებით ივ. ჯავახიშვილის სახელობის სახელმწიფო უნივერსიტეტის ეკო კლუბის ორგანიზებით ჩატარდა კონკურსი „ჩემი თვალით დანახული ჭაობი.“

კონკურსში აღმოსავლეთ საქართველოდან 15, ხოლო დასავლეთ საქართველოდან 16 სკოლა მონაწილეობდა.

დასავლეთ საქართველოს სკოლებისთვის ფინალური ტური ფოთში გაიმართა. ჟიურის გადაწყვეტილებით პირველი ადგილი დაიკავა ხარაგაულის მუნიციპალიტეტის ბაზალეთის საჯარო სკოლის (დირექტორი იზოლდა ოკრიბელაშვილი) მოსწავლეთა ნამუშევარმა (პედაგოგები ანა გელაშვილი და ეკა მესხი).