19 ივლისის მონაცემებით, ხარაგაულში კორონავირუსის შემთხვევათა რიცხვი, ბოლო 48 საათში, ოთხით გაიზარდა.

ხარაგაულის ჯანდაცვის ცენტრიდან მოპოვებული ინფორმაციით, ინფიცირებულები დაბა ხარაგაულის, უბისისა და საქარიქედის მაცხოვრებლები არიან.

სამი მათგანის ინფიცირების წყარო ცნობილია – ისინი თვითიზოლაციაში იმყოფებოდნენ, ხოლო საქარიქედში მცხოვრები ინფიცირებულის წყარო უცნობია.

ხარაგაულის მუნიციპალიტეტში კორონავირუსის პირველად დაფიქსირებიდან დღემდე სულ 705 შემთხვევა გამოვლინდა. მათგან 19 პირი გარდაიცვალა.

ამჟამად თვითიზოლაციაში 62 ადამიანი იმყოფება. ინფიცირებულთაგან 2 საავადმყოფოშია გადაყვანილი, დანარჩენები სახლში ოჯახის ექიმის მეთვალყურეობით მკურნალობენ.

დღეს ხარაგაულისა და ბორითის კლინიკების თანამშრომელთა გეგმიური ტესტირება ჩატარდა.  PCR ტესტების პასუხები ხვალ გახდება ცნობილი.