ახალგაზრდა ინიციატორთა კავშირის მიერ დაგეგმილი ფრენბურთის ჩემპიონატი ხარაგაულში, საფეხბურთო სტადიონის მიმდებარედ, ფრენბურთის მოედანზე ჩატარდება.

ტურნირში მონაწილეობა ნებისმიერი ასაკის მსურველს შეუძლია. ამჟამად ექვსი გუნდია დარეგისტრირებული – შროშადან, საღანძილიდან, პატარა ხარაგაულიდან და სამიც დაბა ხარაგაულიდან.

ახალგაზრდა ინიციატორთა კავშირის  წევრის, დიმიტრი ჩიკვაიძის ინფორმაციით, ტურნირში გამარჯვებული გუნდი თასს, ფულად პრიზებსა და სიგელებს მიიღებს. მსაჯები ახალგაზრდა ინიციატორთა კავშირის წევრები იქნებიან. დასწრება თავისუფალია.

ტურნირის წესები ასეთია:

  • მოთამაშე ვალდებულია დაემორჩილოს მსაჯის გადაწყვეტილებას. მსაჯთან პირველი შეკამათება ისჯება გაფრთხილებით. განმეორების შემთხვევაში – გაძევებით;
  • თამაში გრძლდება 25 ქულამდე. ფლეიოფი იმართება 2 მოგებამდე. მესამე მატჩის გამართვის აუცილებლობისას, მატჩი გაგრძელდება 15 ქულამდე;
  • აკრძალულია ბადის მეორე მხარეს ხელის გადაყოფა. მეტოქესთან ან მოედნის მეორე ნახევართან კონტაქტი. ბადის ვერტიკალური სიბრტყის გადაკვეთა. გამონაკლისი: თუ გუნდი ბურთს ორჯერ შეეხო და მესამე შეხება აქვს დარჩენილი, მეტოქეს შეუძლია დაბლოკოს ბურთი და ბადის ვერტიკალური სიბრტყე გადაკვეთოს მხოლოდ იმ დათქმით, რომ არ შეეხება მეტოქეს ან მოედნის ნახევარს.

ტურნირში მონაწილეობის მსურველებმა უნდა მისწერონ ახალგზარდა ინიციატორთა ოფიციალურ ფეისბუქგვერდს, ან დარეკონ ნომერზე: 577 96 17 64 (დიმიტრი ჩიკვაიძე)

განაცხადები 23 ივლისის ჩათვლით მიიღება.