გარემოს დაცვისა და სოფლის მეურნეობის სამინისტრომ პანდემიით შექმნილ ვითარებაში ბიზნესექტორის წინაშე მდგარი გამოწვევების გათვალისწინებით, მიიღო გადაწყვეტილება და საქართველოს მთავრობის  N224, N225, N226, N227 დადგენილებებით მგვ სქემაში ჩართული მხარეების ვალდებულებების შესრულების თარიღები და მათ შორის, მწარმოებლის გაფართოებული ვალდებულების (მგვ) ელექტრონულ რეესტრში (www.waste.mepa.gov.ge) სავალდებულო რეგისტრაცია ერთი წლით გადაავადა.

შესაბამისად, მწარმოებლებს საშუალება ეძლევათ აღნიშნულ ვადაში მოემზადონ რეგულაციის მოთხოვნის შესასრულებლად.

შეგახსენებთ, რომ მწარმოებლის გაფართოებული ვალდებულების დანერგვის მიზნით საქართველოს მთავრობამ 2020 წლის 25 მაისს მიიღო ოთხი ტექნიკური რეგლამენტი:

  • ნარჩენი ზეთების მართვის შესახებ;
  • საბურავების ნარჩენების მართვის შესახებ;
  • ელექტრო და ელექტრონული მოწყობილობების ნარჩენების მართვის შესახებ;
  • ბატარეებისა და აკუმულატორების ნარჩენების მართვის შესახებ.

წყარო