„უფრო მყარი ხელოვნური იმუნიტეტის ჩამოსაყალიბებლად მესამე დოზით აცრაც დაგვჭირდება, – ამბობს ამირან გამყრელიძე, – დაავადებათა კონტროლის ეროვნული ცენტრის დირექტორი.

მესამე აცრა პირველი აცრიდან რვა თვის შემდეგ შეიძლება, თუმცა, ამ საკითხზე მეცნიერული კვლევები ახლა მიმდინარეობს.

მესამედ აცრისთვის ქვეყანაში უნდა შეიქმნას ვაქცინების მარაგები. ამ პროცესისთვის მოსამზადებლად საკმარისი დრო გვაქვს.

კოვიდი რომ მარტივად თავს არ დაგვანებებს, ცხადია. სავარაუდოდ, კორონავირუსის საწინააღმდეგო აცრები ყოველწლიურად დაგვჭირდება მანამდე, სანამ ეს ვირუსი საზოგადოებრივი ჯანდაცვისთვის საფრთხეს წარმოადგენს“.

საქართველოში ვაქცინაცია ოთხი ვაქცინით მიმდინარეობს. ესენია – „ფაიზერი“, „ასტრაზენეკა“, „სინოფარმი“ და „სინოვაკი“. ოთხივე მათგანი ჯანდაცვის მსოფლიო ორგანიზაციის მიერ არის ავტორიზებული“.

ამავე თემაზე

შეიძლება თუ არა ვაქცინების შერევა

მესამე ტალღის დროს დანის პირზე ვიარეთ

ამ ეტაპზე „კომენდანტის საათის“ გაუქმების რეკომენდაციას ვერ გავცემთ