ხარაგაულელმა, საქართველოს ნაკრების მოჭიდავე ევსემი შველიძემ უკრაინის ქალაქ ხარკოვში თავისუფალ ჭიდაობაში გამართულ საერთაშორისო ტურნირში წარმატებით იასპარეზა.

79 კგ. წონით კატეგორიაში ფინალური შეხვედრა მსოფლიო ჩემპიონ ტარიელ გაფრინდაშვილთან წააგო და ვერცხლის მედალი მოიპოვა.

ევსემი ხარაგაულის სპორტული სკოლის აღზრდილია. ვულოცავთ მას ამ წარმატებას და შემდგომ გამარჯვებებს ვუსურვებთ.

ფოტოზე: ევსემი შველიძე (მარცხნიდან პირველი) პრიზიორებთან და მწვრთნელებთან ერთად.