ათ წელზე მეტია, ხარაგაულში რეჟისორმა ირინე ჩხეიძემ თოჯინების თეატრი შექმნა. თეატრს არ აქვს საკუთარი დარბაზი, რაც ირინე ჩხეიძის თქმით, აუცილებელია.

„კარგი იქნება, თუ თოჯინების თეატრისთვის დარბაზი კულტურის ცენტრის შენობაში მოეწყობა, – ამბობს ირინე ჩხეიძე, – ის ფართი დღეს უფუნქციოდაა და ასკაციან დარბაზად რომ გადაკეთდეს, თოჯინების თეატრის სპექტაკლებისთვის საკმარისი იქნება“.

ხარაგაულის საკრებულოს განათლების, კულტურის, სპორტისა და ახალგაზრდობის საქმეთა კომისიის თავმჯდომარე დავით კიკნაძე ამბობს, რომ ირინე ჩხეიძის ამ წინადადებას ხარაგაულის მერიის შესაბამის სამსახურებთან ერთად განიხილავს და დაადგენს, როდისთვის გამოიძებნება თოჯინების თეატრისთვის დარბაზის მოსაწყობი ფინანსები.

ფოტოზე: სპექტაკლის – „აბა, დამაცადეთ, თაგუნებო“ – შემდეგ