ამ დროისათვის ხარაგაულის მუნიციპალიტეტში ბუნებრივი აირის მოწოდება შეწყვეტილია.

„სოკარ ჯორჯია გაზის“ ზესტაფონის ფილიალის მენეჯერი, ლევან აბაშიძე ამბობს, რომ „ენერგო-პრო ჯორჯიას“ ხარაგაულის მიმართულებით გაჰყავს ელექტროგადამცემი ხაზები. ამ პროცესში ბუნებრივი აირის ცენტრალური მაგისტრალი დაზიანდა. მიმდინარეობს მილსადენის აღდგენის სამუშაოები.

17:00 საათიდან ბუნებრივი აირის მოწოდება დაბა ხარაგაულში აღდგება, ამის შემდგომ, ეტაპობრივად, სოფლებში.