ეკონომიკის სამინისტროს სააგენტო „აწარმოე საქართველოში“ 2-დან 11 ივნისის ჩათვლით განაცხადების მიღების მეორე ეტაპს იწყებს.

ამჯერად სააგენტო გვთავაზობს „სუბსიდირების მექანიზმს სპორტული ობიექტებისა და საბავშვო ბაღების ხელშეწყობისთვის“.

პროგრამის მიზანია, კორონავირუსის პანდემიით გამოწვეული ეკონომიკური სირთულეებიდან გამომდინარე, სპორტული ობიექტებისა და საბავშვო ბაღების სფეროში მოქმედი იმ მეწარმე სუბიექტების მიერ კომერციულ ბანკში, მიკროსაფინანსო ორგანიზაციაში, ლიზინგის გამცემთან აღებული/შეთანხმებული სესხების, მიკრო სესხების, სალიზინგო პროექტის სუბსიდირება, რომელთაც, შექმნილი ვითარებიდან გამომდინარე, შეეზღუდათ ოპერირების შესაძლებლობა და, შესაბამისად, შეუმცირდათ ოპერირებიდან მიღებული შემოსავალი.

პროგრამა მოიცავს სამ კომპონენტს:

  1. სესხის თანადაფინანსების კომპონენტი;
  2. სალიზინგო პროექტის თანადაფინანსების კომპონენტი;
  3. მიკრო სესხის თანადაფინანსების კომპონენტი.

პროგრამა არის ერთჯერადი ხასიათის და ვრცელდება მთელი საქართველოს მასშტაბით.

პროგრამაში მონაწილეობის მსურველები დაწვრილებით ინფორმაციას გაეცანით აქ.