აღდგომის დღესასწაულის შემდეგ ზესტაფონის სკოლებსა და საბავშვო ბაღებში კორონავირუსით ინფიცირებულთა რიცხვი გაიზარდა.

ამის შესახებ ინფორმაცია ზესტაფონის მუნიციპალიტეტის საზოგადოებრივი ჯანდაცვის ცენტრიდან მოვიპოვეთ.

ამჟამად ზესტაფონის მუნიციპალიტეტში დისტანციურ სწავლებაზეა მეორე სვირის სკოლა, ზესტაფონის #7 სკოლისა და ტაბაკინის სკოლების თითო-თითო კლასი.

სასწავლო-სააღმზრდელო პროცესი შეწყვეტილია მეორე სვირის, ზესტაფონის #3, შორაპნის #41-ე საბავშვო ბაღებში.

ზესტაფონის მუნიციპალიტეტში კორონავირუსის პირველად დაფიქსირებიდან (2020 წლის მაისი) დღემდე სულ 4 749 შემთხვევაა დადასტურებული, მათგან 4 655 გამოჯანმრთელდა, 32 ინფიცირებული გარდაიცვალა.

დღეს, 31 მაისს, ზესტაფონში კორონავირუსით ინფიცირების სამი ახალი შემთხვევა დადასტურდა.