გაეროს სურსათისა და სოფლის მეურნეობის ორგანიზაციის (FAO) ფასების ინდექსი, რომელიც სამომხმარებლო კალათის 5 ძირითადი პროდუქტის (რძე, მარცვლეული, მცენარეული ზეთი, შაქარი, ხორცი) საერთაშორისო ფასების ცვალებადობას ასახავს – აპრილში, გაიზარდა და 120.9 ქულა შეადგინა.
აღნიშნული ქულა, წინა თვის მაჩვენებელს 1.7%-ით, ხოლო 2019 წლის იმავე პერიოდის მაჩვენებელს – 30.8%-ით აღემატება.
აპრილში, 3.9%-ით გაიზარდა შაქრის ფასების ინდექსი. ეს მონაცემი, 2020 წლის იმავე პერიოდის ნიშნულს თითქმის 60%-ით აღემატება. მატების ძირითად მიზეზად ბრაზილიაში მოსავლის აღების პროცესში წარმოქნილი შეფერხებები და საფრანგეთში მოსავლის ყინვით დაზიანება განიხილება.
წინა თვის მსგავსად, ზრდის ტენდენცია შეინარჩუნა მცენარეული ზეთის ფასების ინდექსმა, რომელიც 1.8%-ით გაიზარდა. ფასების ზრდა თითქმის ყველა სახის მცენარეულ ზეთს შეეხო, მათ შორის – სოიოს, მზესუმზირის და პალმის ზეთს.
1.7%-ითაა გაზრდილი ხორცის ფასების ინდექსი. ზრდა მეტწილად განპირობებული იყო აზიაში წვრილფეხა და მსხვილფეხა საქონლის ხორცზე გაზრდილი მოთხოვნით. ზრდა არ შეხებია ფრინველის ხორცის ფასებს.
1.2%-იანი ზრდა აჩვენა, რძემ და რძის პროდუქტების ფასების ინდექსმა. განსაკუთრებული მოთხოვნის ფონზე, გაზრდილია ყველის, კარაქისა და რძის ფხვნილის ფასების ინდექსი.
მოიმატა მარცვლეულის ფასების ინდექსმაც, რომელმაც მარტში 1.8%-იანი კლების ტენდენცია აჩვენა. მარტისგან განსხვავებით აპრილში, მარცვლეულის ფასები 1.2%-ით გაიზარდა. აღნიშნული მონაცემები, გასული წლის იმავე პერიოდს ნიშნულს, თითქმის 26-ით აღემატება. ზრდა, ძირითადად, სიმინდის ფქვილს შეეხო, რომლის ფასებიც 5.7%-ითაა გაზრდილი. ეს მონაცემი წინა წლის მაჩვენებელს – 66.7%-ით აღემატება.
გაეროს სურსათისა და სოფლის მეურნეობის ორგანიზაცია (FAO) სხვადასხვა ქვეყნებში სურსათის უზრუნველყოფასა და მდგრად განვითარებაზე მიმართულ ღონისძიებებს უწყობს ხელს.
ხარაგაულის სპორტისა და შიდა ტურიზმის ცენტრში
2023 წლის დეკემბერში საქართველოს სტრატეგიული
ხარაგაულის მუნიციპალიტეტის მერიის ჯანდაცვისა და სოციალური
ხარაგაულის მუნიციპალიტეტის მერიის ადმინისტრაციული
ხარაგაულის მუნიციპალიტეტის სკოლებში ღვაწლმოსილ პედაგოგებთან შეხვედრები მიმდინარეობს.