სოფლის ბიბლიოთეკების ვაუჩერიზაციის პროექტის ფარგლებში – „წიგნი ყველა სოფლის ბიბლიოთეკას“ – ხარაგაულის სოფლების ბიბლიოთეკებმა ათი ათასი ლარის წიგნები მიიღეს.

პროექტი საქართველოს პრეზიდენტის ფონდის დაფინანსებითა და საქართველოს საბიბლიოთეკო ასოციაციის ორგანიზებით ხორციელდება.

პროექტის ფარგლებში თითოეულმა ბიბლიოთეკამ 500 ლარიანი ვაუჩერი მიიღო.

ხარაგაულის საბიბლიოთეკო გაერთიანების დირექტორის, ნიკოლოზ მაჭავარიანის ინფორმაციით, სოფლის ბიბლიოთეკარებმა კატალოგიდან თავად აირჩიეს წიგნები.