კორონავირუსი სოფელ ბაზალეთში მცხოვრებ მამაკაცს დაუდასტურდა.

მისი ინფიცირების წყარო უცნობია.

ხარაგაულში კორონავირუსის პირველი დადასტურებიდან დღემდე სულ 601 პირი დაინფიცირდა. მათგან 547 გამოჯანმრთელდა, 14 – გარდაიცვალა. თვითიზოლაციაში 45 პირი იმყოფება.

ხარაგაულის საზოგადოებრივი ჯანდაცვის ცენტრში დღეს PCR ტესტირება ხიდარის, ვარძიის, წყალაფორეთის, ბორისა და კიცხის საბავშვო ბაღების თანამშრომლებს ჩაუტარდათ. პასუხები ხვალ გახდება ცნობილი.

ამჟამად 40 ინფიცირებულიდან საავადმყოფოში 11 პირი მკურნალობს. დანარჩენები ბინაზე, ოჯახის ექიმის მეთვალყურეობის ქვეშ იმყოფებიან.