„ზუსტი ინფორმაცია გვაქვს, რომ „ფაიზერის“ მილიონამდე დოზას მივიღებთ“, – ამის შესახებ ჯანდაცვის მინისტრმა ეკატერინე ტიკარაძემ იმუნიზაციის საბჭოს სხდომის დასრულების შემდეგ განაცხადა.

მისივე თქმით, საქართველო ივნისში „სინოფარმის” 250 ათას დამატებით დოზას მიიღებს.

„ფაიზერის“ მილიონამდე დოზას მივიღებთ, თუმცა, ვაზუსტებთ მოწოდების ბაზას დოზებზე. ასევე დარწმუნებით შემიძლია გითხრათ, რომ 30 აპრილისთვის 43 ათას „ასტრაზენეკას“ მივიღებთ. წარმატებით მიმდინარეობს „სინოფარმთან” მოლაპარაკება და ივნისში დამატებით 250 ათასი დოზა არის დაპირებული „სინოფარმის“ მხრიდან “, – აცხადებს ეკატერინე ტიკარაძე.