ინფიცირებული მამაკაცი საქარიქედში ცხოვრობს და ის მეზობლისგან დაინფიცირდა.

ხარაგაულის მუნიციპალიტეტში კორონავირუსის პირველი გამოვლენიდან  დღემდე 595 შემთხვევაა, მათგან 545 გამოჯანმრთელდა, ხოლო 13 გარდაიცვალა. თვითიზოლაციაში 166 პირი იმყოფება.

37 აქტიური შემთხვევიდან რვა ინფიცირებული საავადმყოფოში მკურნალობს, ხოლო დანარჩენები ბინაზე – ოჯახის ექიმის მეთვალყურეობის ქვეშ იმყოფებიან.

ხარაგაულის საზოგადოებრივი ჯანდაცვის ცენტრი გვაცნობებს, რომ საზღვრის გადმოკვეთის შემთხვევაში პირი ვალდებულია, რვა დღე იზოლაციაში იმყოფებოდეს. ამჟამად ხარაგაულში ასეთი სამი მოქალაქეა.

დღეს კორონავირუსზე გეგმიურ ტესტირებას ბაზალეთისა და ლაშის სკოლის თანამშრომლებს ჩაუტარებენ. ამით ხარაგაულში მოქმედი სკოლების თანამშრომელთა გეგმიური ტესტირება დასრულდება. ამ კვირაში სკოლის თანამშრომლეთა გეგმიური ტესტირების ყველა პასუხი უარყოფითია.