ხარაგაულის მაცხოვრის შობის ტაძარში შაბათს, 24 აპრილს, ლაზარეს აღდგინების დღესასწაულზე სამეუფეო წირვა ჩატარდება.

ღვთისმსახურებას მარგვეთისა და უბისის ეპისკოპოსი მეუფე მელქისედეკი (ხაჩიძე) ეპარქიის მღვდელმსახურებთან ერთად ჩაატარებს. წირვა დილით 10 საათზე დაიწყება.

სამეუფეო წირვისათვის მწუხრ-ცისკრის მსახურებას ხარაგაულის ტაძრის მღვდელმსახური მამა თომა (ლაცაბიძე) პარასკევს, 23 აპრილს, დღის 16 საათზე გამართავს.

ვნების შვიდეულში ჩასატარებელი ღვთისმსახურებების განრიგს, მამა თომა (ლაცაბიძე) მრევლს 25 აპრილს, ბზობის სადღესასწაულო წირვის დასრულების შემდეგ გააცნობს.