ორივე ინფიცირებული ხარაგაულის სოფელ საქასრიის მცხოვრებია.

მათი ინფიცირების წყარო ცნობილია – ისინი ოჯახის წევრებისგან დაინფიცირდნენ.

ხარაგაულში კორონავირუსის პირველი გამოვლენიდან დღემდე სულ 578 შემთხვევაა დადასტურებული. მათგან 544 გამოჯანმრთელდა, 13 – გარდაიცვალა. ინფიცირებულთაგან ხუთი საავადმყოფოში მკურნალობს, დანარჩენები ბინაზე – ოჯახის ექიმის მეთვალყურეობით.

საქასრიაში, ეპიდემიოლოგიური ვითარების დამძიმების გამო, დაავადებათა კონტროლის ეროვნული ცენტრის რეგიონულმა სამმართველომ სოფლის 12 დღით იზოლაციის რეკომენდაცია გასცა.

დღეიდან ვაშლევის საჯარო სკოლა სწავლების დისტანციურ რეჟიმზე გადავიდა.