კორონავირუსით ინფიცირების ერთი შემთხვევა სოფელ თეთრაწყაროში, მეორე კი – ბორითში გამოვლინდა.

თეთრაწყაროში მცხოვრები პირი ოჯახის წევრისგან დაინფიცირდა, ბორითელის ინფიცირების წყარო უცნობია.

ხარაგაულში კორონავირუსის პირველი გამოვლენიდან დღემდე სულ 569 შემთხვევაა დადასტურებული. მათგან 543 გამოჯანმრთელდა, 13 – გარდაიცვალა. იზოლაციაში 53 პირი იმყოფება.

ამჟამად 13 ინფიცირებულიდან საავადმყოფოში 4 პირი მკურნალობას, დანარჩენები ბინაზე – ოჯახის ექიმის მეთვალყურეობით.

covid-19-ზე გეგმიური ტესტირება დღეს, 14 აპრილს, კიცხის, ბორის, ვარძიისა და ხიდარის საბავშვო ბაღების თანამშრომლებს ჩაუტარდათ. სწრაფი ტესტის ყველა პასუხი უარყოფითია. PCR ტესტების პასუხები ხვალ გახდება ცნობილი.