კორონავირუსით ინფიცირების ახალი შემთხვევები ბორითში, თეთრაწყაროსა და მოლითში გამოვლინდა.

ბორითსა და თეთრაწყაროში მცხოვრები პირების ინფიცირების წყარო უცნობია. მოლითში მცხოვრები პირი ოჯახის წევრისგან დაინფიცირდა.

ხარაგაულში, covid-19-ის პირველად გამოვლენიდან დღემდე, სულ კორონავირუსის 566 შემთხვევაა დადასტურებული. ინფიცირებულთაგან 541 გამოჯანმრთელდა, 13 პირი გარდაიცვალა. ხარაგაულის მუნიციპალიტეტში ამჟამად თვითიზოლაციაში 32 პირი იმყოფება.

12 ხარაგაულელი ინფიცირებულიდან საავადმყოფოში სამი მათგანი მკურნალობს, დანარჩენები ბინაზე – ოჯახის ექიმის მეთვალყურეობით.

ხარაგაულის საზოგადოებრივი ჯანდაცვის ცენტრი დღეს კორონავირუსზე ტესტირებას ძირულას ხეობაში მოქმედი სკოლებისა და საბავშვო ბაღების თანამშრომლებს ჩაუტარებს.