ლაშის საჯარო სკოლის მეთორმეტეკლასელი სალომე კვირიკაშვილი ეროვნული სასწავლო ოლიმპიადის მესამე ტურში გადავიდა.

სალომემ ისტორიაში მესამე ტურისთვის საჭირო ქულები მოაგროვა.

ხარაგაულის საგანმანათლებლო რესურსცენტრიდან მოპოვებული ინფორმაციით, 2020-2021 სასწავლო წლის ეროვნული ოლიმპიადის პირველ ტურში ხარაგაულში მოქმედი 26 სკოლიდან 10 სკოლის 163 მოსწავლე ჩაერთო, მეორე ტურის საგზური 57-მა მოსწავლემ მოიპოვა.

სასწავლო ოლიმპიადის მესამე ტური საქართველოს მასშტაბით 9 აპრილს მათემატიკისა და ფრანგული ენის ტესტირებით დაიწყება და 12 აპრილს ბიოლოგიის ტესტირებით დასრულდება.

ტესტირება ჩატარდება შეფასებისა და გამოცდების ეროვნული ცენტრის შენობაში; მისამართი: ე. მინდელის N9.

ტესტირების განრიგი ასეთია:
9 აპრილი:
I სესია –  მათემატიკა;
I სესია-ფრანგული ენა;
II სესია – ინგლისური ენა;
10 აპრილი:
I სესია – ფიზიკა;
I სესია – ქიმია;
I სესია – ისტორია;
II სესია – რუსული ენა;
11  აპრილი:
I სესია – ქართული ენა და ლიტერატურა;
I სესია – ქართული ენა არაქართულენოვანი ზოგადსაგანმანათლებლო დაწესებულების მოსწავლეებისათვის;
II სესია – გერმანული ენა;
II სესია – გეოგრაფია;
12 აპრილი:
I სესია  – ბიოლოგია.
I სესიაზე  რეგისტრაცია 09:30 საათზე დაიწყება, ხოლო ტესტირება 10:00 საათზე;
II სესიაზე რეგისტრაცია – 14:30 საათზე, ტესტირება კი – 15:00 საათზე.
დაგვიანების შემთხვევაში მოსწავლე ტესტირებაზე აღარ დაიშვება.  რეგისტრაციის დროს მან უნდა წარმოადგინოს სკოლის მიერ გაცემული მოსაწვევი და პირადობის დამადასტურებელი მოწმობა, ან ფოტოსურათიანი ცნობა, რომელსაც გასცემს სკოლის ადმინისტრაცია.