დღეს, 7 აპრილს, მართლმადიდებლური ეკლესია ხარების დღესასწაულს აღნიშნავს. ხარების დღესასწაული 12 უძრავი საუფლო დღესასწაულიდან ერთ-ერთია.

ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ კაცობრიობის ცოდვებისგან გამომხსნელი მესია განკაცდებოდა.

მარიამ ღვთისმშობელს გაბრიელ მთავარანგელოზი გამოეცხადა, რომელმაც უთხრა, რომ ის გახდებოდა ყრმის დედა, რომელსაც სახელად დაარქმევდა „ემანუელ“, რომელიც ითარგმნება „ჩვენთან არს ღმერთი“.

ხარების დღესასწაულზე ტაძრებში განსაკუთრებით იგალობება ხარების ტროპარი: ღვთისმშობელო ქალწულო, გიხაროდენ, მიმადლებულო მარიამ, უფალი შენთანა, კურთხეულ ხარ შენ დედათა შორის და კურთხეულ არს ნაყოფი მუცლისა შენისა, რამეთუ მაცხოვარი გვიშევ სულთა ჩვენთა.