ხარაგაულში, სოფელ მოლითის საჯარო სკოლის მეათე კლასის მოსწავლეს კორონავირუსი დაუდასტურდა.

ვირუსი მას ოჯახის წევრისგან გადაედო, რომელიც ამავე სოფლის საბავშვო ბაღის თანამშრომელია.

მოლითის სკოლის დირექტორი როლანდი ცუცქირიძე ამბობს, რომ დისტანციურ სწავლებაზე გადაიყვანეს მეათე და მეთერთმეტე კლასები, რადგან მეთერთმეტე კლასში ინფიცირებულის და სწავლობს.

– დღეს კორონავირუსზე გეგმიური ტესტირება მოლითის სკოლის თანამშრომლებს ჩაუტარდებათ, – ამბობს როლანდი ცუცქირიძე, – თუ ინფიცირებულთა რიცხვი გაიზარდა, არ გამოვრიცხავთ, რომ სკოლა მთლიანად დისტანციურ სწავლებაზე გადავიდეს.