ბოლო 24 საათის განმავლობაში ხარაგაულში კორონავირუსით ინფიცირების ორი ახალი შემთხვევა დადასტურდა, ორი დაავადებული კი – გამოჯანმრთელდა.

ახალი შემთხვევები დაბა ხარაგაულსა და სოფელ წაქვაში გამოვლინდა. მათი ინფიცირების წყარო უცნობია.

საზოგადოებრივი ჯანდაცვის ცენტრიდან მოპოვებული ინფორმაციით, ხარაგაულში კორონავირუსის პირველად დაფიქსირებიდან დღემდე 557 შემთხვევა დადასტურდა. მათგან 539 გამოჯანმრთელდა, 13 – გარდაიცვალა. ამჟამად ორი პაციენტი საავადმყოფოში მკურნალობს, დანარჩენები ბინაზე – ოჯახის ექიმის მეთვალყურეობით.

ხარაგაულის მუნიციპალიტეტში, 30 მარტის მდგომარეობით, თვითიზოლაციაში 16 მოქალაქე იმყოფება.