ხარაგაულის საკრებულომ დღეს, 30 მარტს, სხდომაზე მერიაში შტატების გაზრდის საკითხი განიხილა.

ხარაგაულის მერიის ადმინისტრაციული სამსახურის უფროსის, კახა გოლუბიანის, ინფორმაციით, შესყიდვების სამსახურის  შესაქმნელად მერიაში ორი შტატის დამატება სჭირდებათ, – სახელმწიფო შესყიდვების სამართლებრივ საკითხებში I კატეგორიის უფროსი სპეციალისტისა და მატერიალურ-ტექნიკური უზრუნველყოფის საკითხებში II კატეგორიის სპეციალისტის.

მერიაში ასევე იზრდება შრომითი ხელშეკრულებით დასაქმებულ პირთა რაოდენობა.

მერია შრომითი ხელშეკრულებით შვიდი ადამიანის დასაქმებას აპირებს:

  • მათგან სამი პირის – იურისტი, სოცმუშაკი და ფსიქოლოგი – „ბავშვზე ზრუნვისა და მხარდაჭერის განყოფილებაში“;
  • შრომითი უსაფრთხოების სპეციალისტის – მერიაში,
  • სოცმუშაკის – მერიის სოციალურ სამსახურში;
  • ორ ტერიტორიულ ერთეულში მერის წარმომადგენლის ორი ასისტენტის.

რომელ ტერიტორიულ ერთეულებში დაინიშნებიან მერის წარმომადგენლის ასისტენტები, ჯერჯერობით, განსაზღვრული არ არის.

საკრებულომ მერიაში შტატების ზრდას მხარი დაუჭირა.

თამთა გოგოლაძე