ხარაგაულის მუნიციპალიტეტის საკრებულომ 2015-2017 წლებში ხარაგაულის მუნიციპალიტეტში რეგიონული განვითარების ფონდიდან დასაფინანსებელი პროექტების ნუსხა დაამტკიცა.

დამტკიცებული ნუსხის მიხედვით 2015 წელს დაიგეგმა:

კიცხი-ხიდარის გზის რეაბილიტაცია;
ზვარის ახალგაზრდული ბანაკის მოწყობა;
ხარაგაული-ბაზალეთის გზის რეაბილიტაცია;
დაბა ხარაგაულში ღია ესტრადისა და ცენტრალური პარკის მოწყობა;
დაბა ხარაგაულში მშენებარე საავადმყოფოსა და მის მიმდებარე დევდარიანის, გურამიშვილის, ჭიპაშვილის ქუჩებზე წყალმომარაგების სისტემის მოწყობაა და მიმდებარე ტერიტორიის ინფრასტრუქტურის მოწესრიგება;
ცენტრალური ბიბლიოთეკის არსებული შენობის რეაბილიტაცია.

2016 წელს იგეგმება:
უბისა-ღორეშის გზის რეაბილიტაცია;
ხარაგაულის მუნიციპალიტეტში არსებული საზოგადოებრივი დანიშნულების ობიექტებზე შშმ პირებისთვის პანდუსების მოწყობა;
საღანძილეში საბავშვო ბაღის მშენებლობა;
ხუნევი-გედსამანიის გზის რეაბილიტაცია;
შშმ პირებისა და სოციალურად დაუცველი მოქალაქეებისთვის დასაქმების ხელშეწყობა;
დაბა ხარაგაულში ქუჩებისა და ჩიხების მოასფალტება.

2017 წელს იგეგმება:
ბაზალეთი-სარგვეშის, მარელისის, ვახანის გზების რეაბილიტაცია და ნადაბურში საბავშვო ბაღის მშენებლობა.