დღეიდან, 15 მარტიდან, რეკომენდაციების დაცვით სასწავლო პროცესი აღდგა აუდიტორიებში. განახლდა სასკოლო წრეებიც. ფუნქციონირება განახლეს სპორტულმა დარბაზებმა.

გარდა ამისა, დღეიდან  თეატრებს, სპორტულ კლუბებსა და პროფესიულ ანსამბლებს შეეძლებათ ვარჯიშისა და რეპეტიციების განახლება. პირველი აპრილიდან მათ მიეცემათ საშუალება, თეატრალური წარმოდგენები და სპორტული შეჯიბრებები გამართონ მაყურებლის დასწრებით.

ძალაში რჩება 21:00 საათიდან დილის 5:00 საათამდე გადაადგილებაზე დაწესებული შეზღუდვა.