ხარაგაულში ბუნებრივი აირის მომხმარებლებმა მიიღეს სმს შეტყობინება, რომ დღეს, 2 მარტს, გეგმიური სამუშაოების გამო ხარაგაულში ბუნებრივი აირის მოწოდება დროებით შეწყდება.

რა სამუშაოებს ახორციელებს „სოკარ ჯორჯია გაზი“, – ამის გასარკვევად კომპანიის ზესტაფონის ფილიალის მენეჯერს, ლევან აბაშიძეს, დავუკავშირდით.

„სამუშაოები ძირულაში გაზსადენის ცენტრალურ მაგისტრალზეა დაგეგმილი, – ამბობს ლევან აბაშიძე, – მაქსიმალურად შევეცდებით, სამუშაოები ისე ჩავატაროთ, რომ ხარაგაულს ბუნებრივი აირის მოწოდება არ შეუწყდეს, მაგრამ თუ საჭიროებამ მოითხოვა და გაზმომარაგება შეწყდა, გაზის მოწოდება, უახლოეს საათებში აღდგება,“ – ამბობს ლევან აბაშიძე.

„სოჯარ ჯორჯია გაზი“ აბონენტებს მოუწოდებს, გაზმომარაგების შეწყვეტის შემთხვევაში, გამოიჩინონ სიფრთხილე და გაზის დანადგარები ჩაკეტილ მდგომარეობაში იქონიონ.

თამთა გოგოლაძე