ხარაგაულის სკოლამდელ დაწესებულებათა გაერთიანების დირექტორის, მამუკა ჭიპაშვილისგან მოპოვებული ინფორმაციით, დღეიდან – პირველი მარტიდან საქმიანობას ხარაგაულის #1 და #2 საბავშვო ბაღები განაახლებენ.

4 მარტიდან სასწავლო-სააღმზრდელო პროცესი, ვერტყვიჭალისა და საღანძილის საბავშვო ბაღების გარდა, ყველგან განახლდება. ამ ორ საბავშვო ბაღში აღსაზრდელთა მიღებას, სავარაუდოდ, 9 მარტიდან შეძლებენ.

„კორონავირუსზე ტესტირება საბავშვო ბაღის ყველა თანამშრომელმა უნდა ჩაიტაროს, – ამბობს მამუკა ჭიპაშვილი, – ეს პროცესი გასულ კვირაში დაიწყო და 4 მარტამდე გაერთიანების ყველა საბავშვო ბაღის თანამშრომელი შემოწმდება“.

საკოორდინაციო საბჭოს გადაწყვეტილებით, საბავშვო ბაღები საქმიანობას პირველი მარტიდან შეუდგებიან.