„საქართველოს რკინიგზას“ საზოგადოებასთან ურთიერთობის სამსახურის უფროსის, ირინე ხიზანიშვილისგან მოპოვებული ინფორმაციით, ხაშური-ხარაგაული-ზესტაფონის საგარეუბნო მატარებელი მგზავრთა გადაყვანას ხვალიდან, 27 თებერვლიდან, განაახლებს.

მატარებლის მოძრაობის განრიგი ასეთია:

ხაშური-ზესტაფონი – 7:20 – 9:40;

ზესტაფონი-ხაშური – 11:30 – 13:47;

ხაშური-ზესტაფონი – 14:20 – 16:40;

ზესტაფონი-ხაშური – 17:25 – 19:40.

მგზავრთა უსაფრთხოებისა და პანდემიის საპრევენციო ღონისძიებების გატარებას ხარაგაულის მუნიციპალიტეტის თვითმმართველობა უზრუნველყოფს. ხარაგაულის საზოგადოებრივი ჯანდაცვის ცენტრის თანამშრომლები ამ მატარებელში მგზავრთა აღრიცხვაზე, თერმოსკრინინგსა და ჰიგიენის დაცვაზე იზრუნებენ.

ეს საგარეუბნო მატარებელი ერთადერთი ხელმისაწვდომი ტრანსპორტია ჩხერიმელას ხეობის სოფლების მოსახლეობისთვის.

„საქართველოს რკინიგზაში“, ჯერჯერობით, ვერ აკონკრეტებენ თარიღს, თუ როდის აღდგება დანარჩენი საგარეუბნო მატარებლების მიმოსვლა.

მაგისტრალური მიმართულებით მატარებლების მიმოსვლის გრაფიკი იხილეთ ბმულზე.