პრემიერ-მინისტრის გადადგომასთან დაკავშირებით, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით გადადო, – ამის შესახებ განცხადება შინაგან საქმეთა სამინსიტრომ მას შემდეგ გაავრცელა, რაც პრემიერმა, გიორგი გახარიამ გადადგომის შესახებ განაცხადა.

გიორგი გახარიამ დღეს, 18 თებერვალს, მთავრობის ადმინისტრაციაში გამართულ ბრიფინგზე გადადგომის მიზეზად გუნდთან, ნიკა მელიას საკითხზე,  შეუთანხმებლობა დაასახელა. გახარიას თქმით, ის არ ეთანხმება გუნდს მელიას საკითხზე სასამართლო გადაწყვეტილების აღსრულების ფორმებთან დაკავშირებით.