ბოლო 24 საათის განმავლობაში ხარაგაულში კორონავირუსით ინფიცირების ორი ახალი შემთხვევა საქარიქედსა და სარგვეშში დადასტურდა.

გამოჯანმრთელებულთა რიცხვი კვლავ 453-ია.

ხარაგაულში კორონავირუსის დაფიქსირების პირველი შემთხვევიდან დღემდე დადასტურებულია 515 შემთხვევა, მათგან გამოჯანმრთელდა – 453, გარდაიცვალა – 11.

13 ინფიცირებული სამკურნალოდ სტაციონარშია გადაყვანილი, ხოლო დანარჩენები ბინაზე, ოჯახის ექიმის მეთვალყურეობის ქვეშ იმყოფებიან. იზოლაციაშია 44 პირი.

ხარაგაულში პირველ თებერვლიდან პედაგოგთა კორონავირუსზე ტესტირება ჩატარდა. ხარაგაულში მოქმედი 26 სკოლის 546 პედაგოგი გაიტესტა; აქედან 434 – სწრაფი ტესტით, ხოლო 112 – PCR ტესტით. სწრაფი ტესტით კორონავირუსი მხოლოდ ბორის სკოლის ერთ თანამშრომელს დაუდასტურდა.

მასწავლებელთა განმეორებითი ტესტირება 16 თებერვლიდან დაიწყება.

ხარაგაულის საზოგადოებრივი ჯანდაცვის ცენტრის ექიმის, ნინო ყიფშიძის, ინფორმაციით, ამჟამად გეგმიურად ყოველ 14 დღეში ერთხელ იტესტებიან ტაქსის მძღოლები, ხოლო ყოველ მეშვიდე დღეს – სამედიცინო პერსონალი და რელიგიის მსახურები.