ხარაგაულში დასრულდა საჯარო მოხელეთა კონკურსის ტესტირების ეტაპი.

ხარაგაულის მუნიციპალიტეტის საკონკურსო-საატესტაციო კომისიის თავმჯდომარის მოადგილე დავით კიკნაძის ინფორმაციით, 219 კონკურსანტიდან ტესტირებაზე გამოცხადდა 181.

პირველადი ინფორმაციით, ზღვარი გადალახა 87-მა კონკურსანტმა.

შეგახსენებთ, რომ ხარაგაულის მუნიციპალიტეტში კონკურსი 74 ვაკანსიაზეა გამოცხადებული.

წინასწარი მონაცემებით, 74-ვე ვაკანსია, ამ ეტაპზე, ვერ დაკომპლექტდება. ღიად დარჩენილ ვაკანსიებზე ხელახლა გამოცხადდება კონკურსი.

საპრეტენზიო კომისიის თავმჯდომარე ინგა მაღრაძის ინფორმაციით, საპრეტენზიო კომისიისთვის, ჯერჯერობით, არცერთ კონკურსანტს არ მიუმართავს.

კონკურსის მეორე ეტაპი, ტესტირება, ხარაგაულის მუნიციპალიტეტის საკონკურსო-საატესტაციო კომისიის (თავმჯდომარე კობა ლურსმანაშვილი) დაკვეთით ეროვნულმა საგამოცდო ცენტრმა 13 და 14 დეკემბერს ჩაატარა ხარაგაულის გიმნაზიის, ხარაგაულის #2 და #3 საჯარო სკოლების კომპიუტერულ ცენტრებში.

ლაურა გოგოლაძე