ხარაგაულის „სპორტისა და შიდა ტურიზმის ცენტრი“ აცხადებს ფოტო-კონკურსს „ზამთარი ხარაგაულში“.

კონკურსის მიზანია წარმოაჩინოს ხარაგაულის მუნიციპალიტეტი ზამთრის საუკეთესო პეიზაჟებით.

მონაწილეებმა ფოტოები უნდა ატვირთონ „სპორტისა და შიდა ტურიზმის ცენტრის“ ფეისბუქ გვერდზე  პოსტის კომენტარებში.  ფოტოზე აუცილებელია მიუთითოთ გადაღების ადგილი და ავტორის ვინაობა.

გამარჯვებულად ჩაითვლება ის ფოტო, რომელსაც ყველაზე მეტი მოწონება ექნება.

კონკურსი დღეს, პირველ თებერვალს, დაიწყო, გამარჯვებული გამოვლინდება და დაჯილდოვდება 4 მარტს.