ბავშვთა ადრეული განვითარებისა და სოციალური რეაბილიტაციის ცენტრის გახსნას ხარაგაულში„თაირისი“აპირებს.

„თაირისის“ დამფუძნებელ ირინე აბდალაძესგან მოპოვებული ინფორმაციით, ცენტრი, სავარაუდოდ, გაზაფხულიდან ამოქმედდება. მისი თქმით, ყველაფერი ეპიდემიოლოგიურ სიტუაციაზეა დამოკიდებული.

ირინე აბდალაძე ამბობს, რომ ამჟამად მიმდინარეობს და თებერვლის ბოლომდე დასრულდება ცენტრის სპეციალისტების გადამზადებისა და სერტიფიცირების პროცესი.

ბავშვთა ადრეული განვითარებისა და სოციალური რეაბილიტაციის ცენტრი ხარაგაულში ცენტრალური ბიბლიოთეკის ყოფილ შენობაში განთავსდება. დღეს, პირველ თებერვალს, ხარაგაულის საკრებულოს ბიუროს სხდომაზე „თაირისისთვის“ ფართის ერთწლიანი იჯარით გადაცემაზე იმსჯელეს.

საიჯარო გადასახადი ყოველთვიურად 50 ლარს შეადგენს. ცენტრალური ბიბლიოთეკის ყოფილ შენობაში ასევე საქმიანობს დაბა ხარაგაულში მერის წარმომადგენელი და ერთი სპეციალისტი.

ნინო კაპანაძე