იანვარ-თებერვალში მოქალაქეები კომუნალური შეღავათებით ისარგებლებენ.

კომუნალურ გადასახადებზე მთავრობის შეღავათები ყველა იმ მოქალაქეს შეეხება, ვინც ერთი თვის განმავლობაში 200 კილოვატზე ნაკლებ ელექტროენერგიასა და 200 მ³-ზე ნაკლებ ბუნებრივ აირს მოიხმარს.

იმ მოქალაქეებს, რომლებსაც კომუნალური სუბსიდირება ეხებათ, თუმცა შეღავათებით სარგებლობა არ სურთ, უარის დაფიქსირება სემეკის ვებგვერდზე www.gnerc.org/ge/covid-19 შეუძლიათ, – ამ ინფორმაციას ენერგეტიკისა და წყალმომარაგების მარეგულირებელი კომისია ავრცელებს.

დეკემბრის სუბსიდირებაზე უარის თქმის ბოლო ვადაა 11 იანვარი.

კომუნალურ შეღავათებზე უარის თქმის პლატფორმის შექმნის საფუძველს წარმოადგენს იმ მოქალაქეთა გარკვეული ნაწილის მოთხოვნა, რომლებსაც ელექტროენერგიისა და ბუნებრივი გაზის მოხმარების მოცულობებიდან გამომდინარე სუბსიდირება შეეხოთ.