9 დეკემბერს გამოცდების ეროვნული ცენტრის დირექტორი მაია მიმინოშვილი სამოქალაქო განათლების ოლიმპიადის პირველი ტურის გამარჯვებულ მოსწავლეებს ქუთაისის #1 საჯარო სკოლაში შეხვდა. კიცხის საჯარო სკოლის დირექტორის, თამარ წიწილაშვილის თქმით, შეხვედრა ძალიან თბილად წარიმართა. გამარჯვებულ მოსწავლეებს გადაეცათ სერტიფიკატები, წიგნის მაღაზია „ბიბლუსის“ 50 ლარიანი ვაუჩერი და სხვა ფასიანი საჩუქრები. „ეს ერთგვარი სტიმულია მოსწავლეებისთვის და იმედია, მორიგ ტურსაც თავს წარმატებით გაართმევენ“, – ამბობს თამარ წიწილაშვილი.

ხარაგაულის მუნიციპალიტეტის საჯარო სკოლებიდან სამოქალაქო განათლების ოლიმპიადის მეორე ტურში ცამეტი მოსწავლე გადავიდა.