კორონავირუსით ინფიცირების ახალი შემთხვევები ისლარში, გრიგალათში, ვერტყვიჭალაში, სხლითში, ბორითსა და დაბა ხარაგაულში გამოვლინდა.

ინფიცირებულთა საერთო რიცხვი, ვირუსის პირველი შემთხვევიდან დღემდე, 408-მდე გაიზარდა. მათგან 250 პირი გამოჯანმრთელდა, 7 – გარდაიცვალა.

29 დეკემბრის მონაცემებით, ხარაგაულში თვითიზოლაციაში 103 პირი რჩება.

151 ინფიცირებულიდან კლინიკებში 23 მკურნალობს, დანარჩენები – ბინაზე ოჯახის ექიმის მეთვალყურეობით.

ხარაგაულისა და ბორითის კოვიდცენტრების, ასევე სახანძრო-სამაშველო სამსახურის თანაშრომელთა PCR ტესტირების პასუხები საზოგადოებრივი ჯანდაცვის ცენტრში, ჯერჯერობით, არ მიუღიათ.

-კორონავირუსისგან თავდაცვა ინდივიდუალურად უნდა გავაძლიეროთ, – ამბობს ჯანდაცვის ცენტრის ექიმი ნინო ყიფშიძე, – ხშირად დავიბანოთ ხელები, დავიცვათ დისტანცია, ყოველ ორ საათში გამოვიცვალოთ პირბადე.  გარდა გადაუდებელი აუცილებლობისა, არ გამოვიდეთ სახლიდან.

ნინო კაპანაძე