ბოლო 24-საათის განმავლობაში ხარაგაულში ლაბორატორიულად კორონავირუსის შვიდი ახალი შემთხვევა დადასტურდა.

მათგან ერთ-ერთი ინფიცირებული სახანძრო-სამაშველო სამსახურის თანამშრომელია.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, კორონავირუსი სახანძრო-სამაშველო სამსახურის თანამშრომელს გეგმიური PCR ტესტირებთ დაუდასტურდა. ამიტომ ჯანდაცვის ცენტრმა ამ სამსახურის ყველა თანამშრომლის სწრაფი ტესტირება დაიწყო.

23 დეკემბრის მონაცემებით, ხარაგაულის მუნიციპალიტეტში ვირუსის პირველი შემთხვევიდან დღემდე ინფიცირებულთა საერთო რიცხვი 361-მდე გაიზარდა. მათგან 189 გამოჯანმრთელდა, ხუთი კი გარდაიცვალა.

ახალი შემთხვევები კიცხში, ლაშეში, ზვარეში, ღარიხევში, საღანძილეში, ქვებსა და ვერტყვიჭალაში დაფიქსირდა.

165 ინფიცირებულიდან სტაციონარში 11 პირი მკურნალობს, დანარჩენები ბინაზე – ოჯახის ექიმის მეთვალყურეობით. თვითიზოლაციაში 134 პირი რჩება.

ხარაგაულის საზოგადოებრივი ჯანდაცვის ცენტრში ბორითისა და ხარაგაულის კოვიდკლინიკების თანამშრომლების გეგმიური PCR ტესტირების პასუხები, ჯერჯერობით, არ მიუღიათ.

ნინო კაპანაძე