ჯანდაცვის სამინისტრომ წელს პირველად დაიწყო დიპლომის შემდგომი განათლების პროგრამა. იმერეთში ეს პროგრამა ეხება ხარაგაულის მუნიციპალიტეტს. „ხარაგაულის ხელმძღვანელობას ვთხოვ, რომ გააკეთოს იმ სტუდენტების სია, რომლებიც სწავლობენ სამედიცინო პროფილით. მათთან სახელმწიფო აფორმებს ხელშეკრულებას, რომლის მიხედვითაც უზრუნველყოფს უფასო რეზიდენტურას იმ პირობით, რომ რამდენიმე წლის განმავლობაში ისინი დაუბრუნდებიან მშობლიურ მუნიციპალიტეტს და იქ გააგრძელებენ თავიანთ საქმიანობას,“ – აღნიშნა ჯანდაცვის მინისტრის მოადგილე ზაზა სოფრომაძემ პროექტის – „საქართველოს მთავრობა – ღია მმმართველობისთვის“ ფარგლებში იმერეთში საზოგადოებისთვის ორწლიანი საქმიანობის ანგარიშის წარდგენისას.