ჯანდაცვის მინისტრის მოადგილის, ზაზა სოფრომაძის თქმით, წარმატებულია სოფლის ექიმის პროგრამა. „სამედიცინო პერსონალის რამდენიმეთვიანი სახელფასო დავალიანება გავისტუმრეთ და მოვახერხეთ, რომ 50%-ით გაგვეზარდა ექიმებისა და ექთნების ხელფასი, – აღნიშნა მან ქუთაისში საზოგადოებისთვის ორწლიანი საქმიანობის ანგარიშის წარდგენისას, – იმერეთში 214 სოფლის ექიმი და 245 სოფლის ექთანია. ეს არ გახლავთ საბოლოო ციფრები. მომავალში ყველა ადგილიდან წამოსულ დასაბუთებულ და არგუმენტირებულ მოთხოვნას გავითვალისწინებთ და, შესაძლოა, ეს რიცხვი გაიზარდოს.“