სოფელ ხიდარში მცხოვრები 56 წლის მამაკაცი დღეს, 17 დეკემბერს, საჩხერის კლინიკაში გარდაიცვალა.

მას თანმხლები დაავადება – შაქრიანი დიაბეტი ჰქონდა და ექიმებმა მისი გადარჩენა ვერ შეძლეს.

ბოლო 24 საათის განმავლობაში ხარაგაულში კორონავირუსით ინფიცირების 7 ახალი შემთხვევა გამოვლინდა და ამით ვირუსის პირველი დადასტურებიდან დღემდე ინფიცირებულთა რიცხვი 316-მდე გაიზარდა, მათგან 141 გამოჯანმრთელდა.

კორონავირუსით ინფიცირების ახალი შემთხვევები დაბა ხარაგაულში, კიცხში, ქვებში, ჭარტალსა და ჩხერში მცხოვრებ მოქალაქეებს დაუდასტურდათ.

169 ინფიცირებულიდან სტაციონარში 8 პირი მკურნალობს, დანარჩენები ბინაზე – ოჯახის ექიმის მეთვალყურეობით.

ხარაგაულის საზოგადოებრივი ჯანდაცვის ცენტრის ექიმის, ნინო ყიფშიძის ინფორმაციით, სწრაფი ტესტის ასაღებად მათ სამსახურში ყოველდღე 20-ზე მეტი მოქალაქე მიდის.

„პაციენტების უმრავლესობა ტემპერატურის მატებას უჩვის, – ამბობს ნინო ყიფშიძე, – შემდეგ – სახსრების ტკივილს. ამ ბოლო დროს იმატა კორონავირუსით ინფიცირებულ ისეთ პაციენტთა რიცხვმა, რომელთაც კუჭ-ნაწლავის პრობლემები, კერძოდ დიარეა დაეწყოთ“.

ნინო კაპანაძე