დღეს, 24 ნოემბერს, ხარაგაულის მუნიციპალიტეტის მერი კობა ლურსმანაშვილი საქმიანობას ოფიციალურად შეუდგა.

ხარაგაულში 31 ოქტომბერს საპარლამენტო არჩევნებთან ერთად მერის რიგგარეშე არჩევნებიც ჩატარდა. კობა ლურსმანაშვილი კენჭს პარტია „ქართული ოცნება-დემოკრატიული საქართველოდან“ იყრიდა.

#48 ხარაგაულის საოლქო საარჩევნო კომისიიდან მოპოვებული ინფორმაციით, კობა ლურსმანაშვილმა 7 239 ხმა მიიღო. მერის რიგგარეშე არჩევნებში 13 529 ამომრჩეველი მონაწილეობდა. საოლქო კომისიის შემაჯამებელი ოქმის მიხედვით, ბათილი იყო 499 ბიულეტენი.

ხარაგაულის გამგებლის თანამდებობას კობა ლურსმანაშვილი 2013-2016 წლებში იკავებდა. 2016 წელს ის ბაღდათი-ხარაგაულის მაჟორიტარი დეპუტატი გახდა.