ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ბოლო 48 საათში კორონავირუსი ხარაგაულის მუნიციპალიტეტში 14 პირს დაუდასტურდა.

24 ნოემბრის მდგომარეობით მუნიციპალიტეტში, კორონავირუსის პირველი დაფიქსირებიდან დღემდე, 109 ინფიცირებულია. 17 პაციენტი გამოჯანმრთელდა.

ამჟამად ხარაგაულში კორონვირუსის 92 აქტიური შემთხვევაა. მათგან სამი კლინიკაში მკურნალობს, ხოლო დანარჩენები – ბინაზე, ოჯახის ექიმის მეთვალყურეობით.

ხარაგაულის მუნიციპალიტეტში თვითიზოლაციაში 139 მოქალაქე იმყოფება.

ნინო კაპანაძე