საქართველოში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობამ 104 732-ს მიაღწია.

ბოლო 24 საათში 3 856 პირი გამოჯანმრთელდა, ჯამში გამოჯანმრთელებულთა რაოდენობა 85 639-მდე გაიზარდა.

უკანასკნელი 24 საათის განმავლობაში საქართველოში კორონავირუსით 49 ადამიანი გარდაიცვალა. მათ შორის, თბილისში – 24, აჭარაში – 13, იმერეთში – 7, სამეგრელო-ზემო სვანეთში – 1, ქვემო ქართლში – 3, შიდა ქართლში – 1 ადამიანი.

2020 წლის 26 თებერვლიდან დღემდე სულ გვაქვს 976 გარდაცვალების შემთხვევა.

დღეს გამოვლენილი ინფიცირების 4 048 ახალი შემთხვევიდან, დედაქალაქისა და რეგიონების მიხედვით მაჩვენებლები ასე გამოიყურება: თბილისში გამოვლენილია 1 602 შემთხვევა, აჭარაში – 447, იმერეთში – 772, ქვემო ქართლში – 223, შიდა ქართლში – 241, გურიაში – 114, სამეგრელო – ზემო სვანეთში – 389, კახეთში – 164, მცხეთა-მთიანეთში – 48, სამცხე-ჯავახეთში – 44, რაჭა-ლეჩხუმსა და ქვემო სვანეთში – 4.

ამ ეტაპზე ინფიცირების მიმდინარე აქტიური შემთხვევა არის 18 091. მათ შორის 6 189 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 774, აჭარაში – 1 021, იმერეთში – 1 241.

ამ ეტაპზე 864 პაციენტი მძიმეა, მათ შორის, თბილისში – 394, აჭარაში – 147, იმერეთში – 202. მათგან ხელოვნური სუნთქვის აპარატზე იმყოფება 386 პირი.

22 ნოემბრის მდგომარეობით, 3 449 ადამიანი მოთავსებულია კოვიდ-სასტუმროში, 8 453 პირი საცხოვრებელ სახლში მკურნალობს,  2 159 ადამიანი საკარანტინე სივრცეებშია მოთავსებული.

56 608 ადამიანი თვითიზოლაციაშია, მათ შორის თბილისში – 16 201 პირი, აჭარაში – 18 088, იმერეთში – 5 313.