გარემოს ეროვნული სააგენტოს ინფორმაციით, 19-20 ნოემბერს აღმოსავლეთ საქართველოში მოსალოდნელია ცივი და ნოტიო ჰაერის მასების გავრცელება.

ნალექი ბარში უმეტესად თოვლჭყაპის, მთიან და მაღალმთიან რეგიონებში თოვლის სახითაა მოსალოდნელი. ზოგან შესაძლებელია ძლიერი ნისლი, მაღალმთიან ზონაში ზოგან – ქარბუქი.

შავი ზღვის სანაპირო რაიონებში, კოლხეთის დაბლობზე, ზემო იმერეთსა და გორი-სურამის მონაკვეთზე იქროლებს აღმოსავლეთის მიმართულების ძლიერი ქარი.

მოსალოდნელმა ნალექებმა, შესაძლოა, მთიან ზონებში მეწყერული პროცესების ჩასახვა-გააქტიურება გამოიწვიოს.