დღეს კორონავირუსით ინფიცირებულთა მაჩვენებელი სამიათასიან ნიშნულს გადაცდა. 12 ნოემბერს საქართველოში covid-19-ის 3120 ახალი შემთხვევა დადასტურდა. ეს ყველაზე მაღალი მაჩვენებელია 26 თებერვლიდან დღემდე.

დღეს კორონავირუსი 2358-მა ადამიანმა დაამარცხა. სამწუხაროდ გარდაიცვალა 33 ადამიანი, აქედან თბილისში – 11, აჭარაში – 11, იმერეთში – 7, ქვემო ქართლში – 1, გურიაში – 1, მცხეთა-მთიანეთში – 2.

კორონავირუსს, საქართველოში მისი პირველი გამოჩენიდან დღემდე, 599 ადამიანი ემსხვერპლა.

რეგიონების მიხედვით მაჩვენებელი ასე გამოიყურება: თბილისში გამოვლენილია – 1033 შემთხვევა, აჭარაში – 502, იმერეთში – 517, ქვემო ქართლში – 194, შიდა ქართლში – 126, გურიაში – 95, სამეგრელო-ზემო სვანეთში – 332, კახეთში – 100, მცხეთა- მთიანეთში – 107, სამცხე-ჯავახეთში – 95, რაჭა-ლეჩხუმსა და ქვემო სვანეთში – 26.