სპორტისა და შიდა ტურიზმის ცენტრის დირექტორი გრიგოლ ჭიპაშვილი ამბობს, რომ რეკომენდაციებს მაქსიმალურად იცავენ, რათა ბავშვებმა უსაფრთხო გარემოში შეძლონ ვარჯიშის გაგრძელება.

„აღსაზრდელები, ძირითადად, გარე პერიმეტრზე ვარჯიშობენ. სანამ ამინდები იქნება, ასე გაგრძელდება. უნდა აღვნიშნო, რომ სპორტულ სექციებში მოსწავლეთა დასწრება შემცირებულია.

შექმნილი ეპიდემიოლოგიური მდგომარეობით შეშინებულები არიან მშობლებიც და ბავშვებიც. ყველას ვუტარებთ თერმოსკრინინგს, ვაწარმოებთ სადეზინფექციო სამუშაოებს და ყველანაირად ვცდილობთ სხვა რეკომენდაციების დაცვასაც”, – ამბობს გრიგოლ ჭიპაშვილი.