საკოორდინაციო საბჭოს გადაწყვეტილებით, ხვალიდან, 4 ნოემბრიდან, პირბადის ტარება ისეთივე აუცილებელი გახდება, როგორც დახურულ სივრცეში. იმოქმედებს სანქციებიც. პირი, რომელსაც ღია სივრცეში პირბადე არ ეკეთება, 20 ლარით დაჯარიმდება. საკოორდინაციო საბჭომ მიიღო ასევე გადაწყვეტილება, რომ მთელი ქვეყნის მასშტაბით რესტორნები 22 საათამდე იმუშავებენ.

გარკვეულ ქალაქებში სკოლები, სადაც საარჩევნო უბნები იყო მოწყობილი, 25 ნოემბრამდე კვლავ დისტანციურ რეჟიმზე დარჩებიან. ამის შესახებ ვიცე-პრემიერმა მაია ცქიტიშვილმა განაცხადა.

„დისტანციურად ისწავლიან შემდეგ ქალაქებში: თბილისში, რუსთავში, ქუთაისში, თელავში, ზუგდიდში, ზესტაფონში, გორში, ფოთში, მარნეულსა და გარდაბანში. ეს გამომდინარეობს იქედან, რომ ამ ქალაქებში 21 ნოემბერს არჩევნების მეორე გვიწევს. ამის შემდეგ სკოლას დეზინფექციისთვის რამდენიმე დღე სჭირდება“, – ამბობს მაია ცქიტიშვილი.