ბოლო 24 საათის განმავლობაში, საქართველოში კორონავირუსის 1824 შემთხვევა დადასტურდა. გარდაიცვალა 23 პაციენტი. გამოჯანმრთელებულთა რიცხვი 1262-ით გაიზარდა.

უწყებათაშორისი საკოორდინაციო საბჭოსთან არსებული საოპერაციო შტაბის უფროსის მოადგილის, ბერდია სიჭინავას განცხადებით, დღეს თბილისში 712 ახალი შემთხვევა გამოვლინდა. რაც შეეხება სხვა რეგიონებს, ინფიცირებულთა რაოდენობა ასე გამოიყურება:

აჭარაში – 545 შემთხვევა, იმერეთში – 305, ქვემო ქართლში – 48, შიდა ქართლში – 56, გურიაში – 24, სამეგრელო და ზემო-სვანეთში – 63, კახეთში – 23, მცხეთა-მთიანეთში -22, სამცხე-ჯავახეთში – 22, რაჭა-ლეჩხუმსა და ქვემო სვანეთში – 4.

რაც შეეხება ხარაგაულში არსებულ ეპიდსიტუაციას, თვითიზოლაციაში რჩება 32 პირი. დადასტურებულია კორონავირუსის 5 შემთხვევა. ხარაგაულის საზოგადოებრივი ჯანდაცვის ცენტრის დირექტორის, შმაგი ხიჯაკაძის თქმით, მიიღეს ინფორმაცია სამ კორონავირუსით ინფიცირებულ პაციენტზე. ისინი ხარაგაულის ტერიტორიაზე არ ცხოვრობენ. მიმდინარეობს კონტაქტების მოძიება.