დღეს დილით დაბა ხარაგაულის მოსახლეობას წყალი არ მიეწოდებოდა.

გაერთიანებული წყალმომარაგების კომპანიის ხარაგაულის სერვისცენტრის მენეჯერის, ტარიელ ავალიშვილის, ინფორმაციით, წყლის გრაფიკის დარღვევა ქსელში დაზიანებამ გამოიწვია.

მისი თქმით, დაზიანებული იყო წყლის სატუმბი ძრავა, რომელიც უკვე შეკეთებულია და წყლის მიწოდება საღამოს გრაფიკის მიხედვით აღდგება.